ضرورت پڑی تو لاک ڈاؤن کیا جائے گا، سعودی وزارتِ داخلہ

کورونا وائرس کے بڑھتے ہوئے کیسز کے حوالے سے سعودی عرب کی وزارتِ داخلہ کا کہنا ہے کہ ضرورت پڑی تو ملک میں لاک ڈاؤن کیا جائے گا۔

سعودی وزارتِ داخلہ کے ترجمان ڈاکٹر محمد العبد العلی کا کہنا ہے کہ مملکت میں لاک ڈاؤن کے نفاذ کا فیصلہ متعلقہ کمیٹی کی سفارش پر ہو گا۔

سعودی عرب: کورونا کے 323 نئے مریضوں کی تشخیص، 15 افراد کا انتقال

انہوں نے یہ بھی کہا کہ لوگ ایس او پیز کی پابندی نہیں کر رہے، ماسک نہیں پہن رہے، تقریبات میں بھی خلاف ورزیاں ہونے لگی ہیں۔

واضح رہے کہ سعودی عرب کورونا وائرس کے کیسز کے حوالے سے مرتب کی گئی فہرست میں 27 ویں نمبر پر پہنچ چکا ہے ۔