بی ایس پی رکن اسمبلی مختار انصاری اور اہلیہ کو پڑا دل کا دورہ، لکھنئو کے لئے ریفر

لکھنئو۔ زور آور لیڈر اور بی ایس پی کے رکن اسمبلی مختار انصاری کو باندا جیل میں دل کا دورہ پڑا ہے۔ انہیں سنگین حالت میں ضلع اسپتال میں بھرتی کرایا گیا ہے۔ اس سے ان کی اہلیہ کو گہرا صدمہ ہوا جس کی وجہ سے انہیں بھی ہارٹ اٹیک ہو گیا ہے۔

دونوں کو باندا ضلع اسپتال میں بھرتی کرایا گیا ہے۔ فی الحال مختار انصاری اور ان کی بیوی کی حالت نازک ہے۔ ڈاکٹروں نے انہیں لکھنئو ریفر کیا ہے۔

بی ایس پی رکن اسمبلی مختار انصاری اور اہلیہ کو پڑا دل کا دورہ، لکھنئو کے لئے ریفر

ڈاکٹروں کے مطابق مختار انصاری کو دل کا دورہ پڑا ہے۔ صدمہ کی وجہ سے بیوی کو بھی دل کا دورہ پڑا ہے۔ دونوں کی حالت سنگین ہے۔ مختار انصاری کو ہائی بلڈ پریشر، شوگر اور برونکائٹس کی شکایت تھی۔

انصاری کی بیوی افساں منگل کو ان سے ملنے کے لئے جیل پہنچی تھیں۔ ملاقات کے دوران ہی مختار کو دل کا دورہ پڑا۔ پھر بیوی بھی ہارٹ اٹیک کا شکار ہو گئیں۔

پرنسپل سیکرٹری ہوم اروند کمار نے اس معاملے میں باندا کے ڈی ایم اور ایس ایس پی سے رپورٹ طلب کی ہے۔ پرنسپل سیکرٹری نے کہا کہ مختار انصاری اور ان کی بیوی کو ہر ممکن علاج فراہم کیا جا رہا ہے۔ بتا دیں کہ انصاری مئو صدر سے رکن اسمبلی ہیں۔ وہ اس وقت باندا جیل میں بند ہیں۔

Leave a Comment

Copyright © Dailyaag - All Rights Reserved

Scroll to top