ٹرمپ کے نمائندہ خصوصی اسٹیو وٹکوف کی رضا پہلوی سے خفیہ ملاقات

امریکی صدر ڈونلڈ ٹرمپ کے نمائندہ خصوصی اسٹیو وٹکوف نے شاہ ایران کے جلاوطن بیٹے رضا پہلوی سے خفیہ ملاقات کی ہے۔

غیرملکی میڈیا کے مطابق اس ملاقات میں ایران میں ہونے والے مظاہروں سمیت مختلف امور پر تبادلہ خیال کیا گیا۔

ایران میں دو ہفتوں سے جاری پُرتشدد مظاہروں کا سلسلہ رک گیا

خبر رساں اداروں کے مطابق ایران میں پُرتشدد مظاہروں کے بعد ایرانی حکومت مخالف شخصیت اور ٹرمپ انتظامیہ کے درمیان یہ پہلی اعلیٰ سطحی ملاقات تھی۔

دوسری جانب ایران کی حکومت نے دعویٰ کیا کہ دو ہفتوں سے جاری پُرتشدد مظاہروں کا سلسلہ رک گیا ہے اور حالات معمول پر آنے لگے ہیں۔

ایران میں پرتشدد مظاہروں کے باعث ملک بھر میں انٹرنیٹ کی بندش ہے، جس وجہ سے اسٹار لنک نے ایران میں فری انٹرنیٹ سروس کی پیش کش کی ہے۔

امریکی صدر نے ایک بار پھر ایران کو دھمکی دیتے ہوئے کہا ہے کہ اگر ایران مظاہرین کو پھانسی دیتا ہے تو ہم بہت سخت کارروائی کریں گے۔

ڈونلڈ ٹرمپ نے دعویٰ کیا کہ ایران کی صورتحال بہت خراب ہے، ایران میں قتل عام اُن کے علم میں ہے، ایران میں ہلاکتوں کی صحیح تعداد جلد معلوم کرلیں گے۔