انل کپور کے ساتھ پہلی بار کام کرکے گنیش آچاریہ خوش

 ممبئی:’انڈیا کے ٹاپ 1 فیصد’ میں انل کپور کی پہلی قوالی پیشکش کو سوشل میڈیا پر شاندار ردعمل مل رہا ہے۔ ‘بات کھٹکی تو جیت پکی’ میں انل کپور کی زبردست توانائی اور گنیش آچاریہ کی مخصوص رقص ترتیب کا بہترین امتزاج دیکھنے کو مل رہا ہے۔

قوالی کے ہدایت کار اور رقص ترتیب دینے والے گنیش آچاریہ نے کہا، ”یہ دیکھ کر بے حد خوشی ہو رہی ہے کہ ناظرین اس گانے کو اتنا پیار دے رہے ہیں اور یہ سوشل میڈیا پر تیزی سے مقبول ہو رہا ہے۔ ‘بات کھٹکی تو جیت پکی’ اپنی ثقافت سے جڑا ہوا گانا ہے اور اس کی لے سنتے ہی یہ زبان پر چڑھ جاتا ہے۔”

انہوں نے کہا، ”میں طویل عرصے سے انل سر کے ساتھ کام کرنا چاہتا تھا اور مجھے خوشی ہے کہ اسٹار پلس نے ‘انڈیا کے ٹاپ 1 فیصد’ کے ذریعے ہمیں پہلی بار ساتھ کام کرنے کا موقع دیا۔ چونکہ یہ ان کی پہلی قوالی پیشکش تھی، اس لیے ہم نے اسے ان کے زبردست انداز کے مطابق تیار کیا۔ ان کی شاندار توانائی نے ہماری سوچ کو پردے پر مزید شاندار بنا دیا اور اس گانے کو ایک یادگار جشن میں بدل دیا۔”

‘انڈیا کے ٹاپ 1 فیصد: دی انل کپور شو’ کی نشریات 19 ستمبر سے رات 8 بجے اسٹار پلس اور جیو ہاٹ اسٹار پر کی جائیں گی۔