ہفتہ وار چھٹی سے صحت پر مرتب ہونیوالے حیرت انگیز اثر کا انکشاف

ہفتہ وار تعطیل پورے ہفتے کے باقی دنوں کے مقابلے میں ہر طرح سے مختلف ہوتی ہے۔

چھٹی کے دن نیند کے معمولات، سماجی میل اور سب کچھ تبدیل ہو جاتا ہے۔

اب ایک نئی تحقیق میں یہ دیکھا گیا کہ ہفتہ وار تعطیل کے موقع پر غذائی عادات میں تبدیلی سے صحت پر کیا اثرات مرتب ہوتے ہیں۔

جرنل کمیونیکیشنز میڈیسن میں شائع تحقیق میں دیکھا گیا تھا کہ ہفتہ وار تعطیل کے موقع پر معمولات میں آنے والی تبدیلیوں سے صحت پر کیا اثرات مرتب ہوتے ہیں۔

2 ایسی عادات جن سے آپ ذیابیطس جیسے دائمی مرض سے خود کو محفوظ رکھ سکتے ہیں

اس تحقیق میں ایک لاکھ 4 ہزار سے زائد افراد کے ڈیٹا کا تجزیہ کیا گیا۔

تحقیق میں دیکھا گیا کہ غذائی عادات اور امراض قلب کے درمیان کیا تعلق موجود ہے اور ان افراد کی صحت کا جائزہ 8 سال سے زائد عرصے تک لیا گیا۔

تحقیق میں خواتین کے ڈیٹا میں تو کوئی فرق نظر نہیں آیا مگر مردوں میں یہ فرق زیادہ نمایاں تھا۔

تحقیق کے مطابق ہفتہ وار تعطیل کے موقع پر کھانے کے وقت میں تبدیلی سے مردوں میں امراض قلب کا خطرہ بڑھ جاتا ہے۔

روزمرہ کے کاموں میں مشکلات کا سامنا کرنیوالے افراد میں جلد موت کا خطرہ بڑھتا ہے، تحقیق

محققین نے بتایا کہ نتائج سے عندیہ ملتا ہے کہ ہفتہ وار تعطیل اور ہفتے کے عام دنوں کے دوران کھانے کے وقت کا معمول امراض قلب کے حوالے سے کردار ادا کرتا ہے، نیند کے مناسب دورانیے اور غذائی معیار کے باوجود یہ خطرہ برقرار رہتا ہے۔

انہوں نے مزید بتایا کہ ابھی نتائج کو ٹھوس قرار نہیں جاسکتا اور مزید تحقیقی کام کیا جا رہا ہے، مگر تصدیق ہونے پر کھانے کے وقت کا یکساں معمول امراض قلب کے خطرے میں کمی لانے میں مدد فراہم کرسکے گا۔

ان کا کہنا تھا کہ ہفتے کے عام دنوں اور چھٹی کے دن کے کھانے کے وقت میں نمایاں فرق مردوں میں امراض قلب کا خطرہ 14 سے 21 فیصد تک بڑھا دیتا ہے۔

محققین کے مطابق یہ تعلق تمام تر عناصر کو مدنظر رکھنے کے باوجود دریافت ہوا۔

بلڈ شوگر جیسے مسئلے سے بچنے کا آسان ترین طریقہ

انہوں نے کہا کہ موجودہ عہد میں چھٹی کے دن غذائی معمولات میں تبدیلیاں عام ہوچکی ہیں اور اس سے جسم کی اندرونی گھڑی کے افعال متاثر ہوتے ہیں جبکہ جسم بشمول دل پر تناؤ بڑھتا ہے۔

ان کے مطابق اس سے پہلے یہ بھی ثابت ہوچکا ہے کہ نیند کا یکساں معمول مختلف امراض کا خطرہ کم کرتا ہے جبکہ اب دریافت ہوا ہے کہ کھانے کے معمولات کو برقرار رکھنا بھی امراض قلب کا خطرہ کم کرنے کے لیے ضروری ہے۔