مجتبیٰ خامنہ ای سے معاہدہ منظوری میں کئی روز لگ سکتے ہیں، وائٹ ہاؤس عہدیدار

وائٹ ہاؤس عہدیدار کا کہنا ہے کہ ایران کے ساتھ جنگ ختم کرنے کا معاہدہ فوری ہونے کا امکان نہیں ہے۔

امریکی میڈیا رپورٹ کے مطابق معاہدے کی ایران کی قیادت بشمول سپریم لیڈر مجتبیٰ خامنہ ای سے منظوری میں کئی روز لگ سکتے ہیں۔

ٹرمپ سے کہہ دیا اسرائیل ہر خطرے سے نمٹنے کیلئے آزاد ہے، نیتن یاہو

اس سے پہلے امریکی صدر نے کہا تھا کہ ایران ڈیل پر زیادہ تر معاملات طے کرلیے ہیں، ڈیل کا اعلان جلد کیا جائے گا، معاملے پر کئی مسلم ممالک کے رہنماؤں سے مثبت گفتگو کی۔

ٹرمپ نے پاکستان کے فیلڈ مارشل سید عاصم منیر، سعودی عرب کے ولی عہد، متحدہ عرب امارات کے صدر، قطر کے امیر، ترکیے اور مصر کے صدور سے بھی بات کی۔

امریکی میڈیا ایران سے ڈیل کا مسودہ سامنے لے آیا

ڈونلڈ ٹرمپ کا کہنا تھا کہ اسرائیلی وزیراعظم سے بھی اچھی بات ہوئی۔

انکا کہنا تھا کہ ایران معاہدے کے قریب ہیں، معاہدے کے حتمی پہلو زیرِبحث ہیں، معاہدے کے بعد آبنائے ہرمز بھی کھول دی جائے گی۔

امریکی صدر نے مزید کہا کہ اگر مشرق وسطیٰ کے تمام ممالک تاریخی ابراہیمی معاہدے میں شامل ہوں تو تعاون مزید مضبوط ہوگا،ہوسکتا ہے اسلامی جمہوریہ ایران بھی اس میں شامل ہونا چاہے۔